Adina l’emprima dumengia da l’october sa radunan indigens e giasts per la festa da la racolta a Valchava. Per la 16avla ediziun han ils organisaturs envidà la Val Bregaglia sco regiun da giast. La festa da la racolta tutga entant tar ina da las pli impurtantas occurrenzas en la val. Sco ils organisaturs communitgeschan han radund 4'000 fin 5'000 persunas visità la festa.
La festa che cumenza cun in cult divin, cuntinuescha cun in grond cortegi. Part da quel fan las differentas societads da costums, da musica, chars decorads ed animals. Suenter il cortegi porschan radund 70 stans als visitaders products regiunals.