Dal 2009 è vegni lantschà il project per il svilup regiunal, curt PRE, finanzià dal stadi, chantun, da la vischnanca, ma era da donaturs, sco il padrinadi per vischnancas da muntogna e finalmain era cun agid da la societad da purs sasez. Radund 10 milliuns è vegnì a custar la realisaziun da tut las trais gestiuns che vegnan manadas independentamain.
Il deposit da graun
Qua sa tracta dal davos project realisà. In quel deposit vegn nettegià e setgentà il graun, actualmain tranter 120 e 150 tonnas. Suenter vegn quel manà per gronda part a Promontogno in Bregaglia nua ch’el vegn elavurà a farina. Finalmain turna la farina enavos en la Val Müstair tar la furnaria.
Il project PRE
Cun la realisaziun dal project PRE, il project pel svilup regiunal han ins stgaffi radund 8 plazzas da lavurs en las trais spartas menziunadas. Ma mo cun l’infrastructura realisada èn ins betg a la fin. Tenor il president dal project PRE Rico Lamprecht ins prevesa ussa da daventar activ sin il martgà da vendita.
La finamira è da stgaffir ina marca cuminaivla “Val Müstair. Uschia prevesan ins da chattar martgads per ils products agriculs in ed era ordaifer la Val Müstair.