Per ils sis sezs per la suprastanza communala da la Val Müstair sa mettan a disposiziun otg candidats e candidatas. Daniel Pitsch, da la fracziun da Tschierv, è l’unic che sa metta a disposiziun per in’ulteriura perioda d’uffizi da quatter onns. Ils auters set candidats èn novs.
Sper Daniel Pitsch stattan a disposiziun:
- Annelise Albertin-Burri
- Gisela Beretta
- Ivo Lamprecht
- Rinaldo Lechthaler
- Guido Mittner
- Roman Oswald
- Patrik Wegmann
Differents motivs per fluctuaziun
Tenor infurmaziuns da l’administraziun communala haja questa gronda fluctuaziun ils suandants motivs:
Dus commembers da la suprastanza actuala chalan causa ch’els èn dapi 12 onns en uffizi, in smetta perquai ch’el è vegnì elegì en ina posiziun sco collavuratur communal e Hans Jörg Weber ha demissiunà perquai ch’el na vul betg collavurar cun la nova cumposiziun politica.
L’elecziun a l’urna da la suprastanza communala ha lieu ils 8 da november en Val Müstair.