Dapi il 2010 ha la Val Müstair il label da l'UNESCO Biosfera Val Müstair Parc Naziunal. Gia dapi lura eri dentant enconuschent che la zona da tgira enturn il Parc sto vegnir engrondida. Dapi 4 onns han il cussegl da Biosfera e las vischnancas pertutgadas lavurà vi d'ina soluziun. Quella fiss stada in contract da cooperaziun cun il Parc Naziunal, la Val Müstair e las vischnancas S-chanf, Zernez e Scuol.
S-chanf ha uss ditg na al contract. E cunquai perda la Val Müstair il label da Biosfera.
En tschertga d'ina soluziun
Tenor Georg Fallet, il president dal cussegl da Biosfera, spetgan els uss anc las decisiuns a l'urna da Zernez e Scuol questa dumengia. Tar in resultat positiv veglian els empruvar da chattar ina soluziun pussaivla per betg perder il label, malgrà il na da S-chanf che sutterrescha il contract da cooperaziun ch'era sin maisa.