Cun la mesira da reducir il tempo sin 30 kilometers l'ura vul la vischnanca oravant tut procurar ch'il traffic va pli regular e senza grondas interrupziuns tras la fracziun. En pli pudess uschia sa reducir la canera da traffic. Quai ha ditg la vischnanca da Val Müstair.
Ina zona 30 tras la fracziun da Sta. Maria è ina consequenza causa la malcuntentientscha da la populaziun locala. Abitantas ed abitants avevan rimnà suttascripziuns e pretendì mesiras. In eventual sviament da Sta. Maria resta er vinavant in tema.
La dumonda per inoltrar zona 30 tras l'entira fracziun da Sta. Maria en la Val Müstair è publitgada en il Figl uffizial dal chantun, cun il dretg da far recurs cunter quest decret entaifer 30 dis.
audio
Per tadlar curt e cumpact
ord RTR Audio dals 02.02.2022.
laschar ir. Durada: 46 Secundas.