Siglir tar il cuntegn

Header

cuntegn

Val Müstair Tessanda gudogna premi internaziunal per ses scussal da grillar

Tessanda gudogna in premi internaziunal per ses scussal da grillar. L'academia da textilias europeica ha onurà ella cun aur en la categoria lavurs a maun cun textilias.

Tenor la giuria persvadia il product cun in bun design ed in fitg bun concept general. Plinavant lauda la giuria surtut la producziun a Sta. Maria. Uschia vegnia mantegnì l'artisanadi dal taisser.

Las manadras da la Tessanda sa mussan fitg cuntentas. Gia la nominaziun saja stada ina gronda surpraisa. Da gudagnar aur saja il punct sin l'i.

L'uschenumnà «European textile and craft award» stat per ideas creativas e prestaziuns extraordinarias. El vala era sco label d'auta qualitad. Sco trofea hai dà in toc da la stoffa originala che l'artist Christo aveva duvrà per cuvrir l'Arc de Triomphe a Paris.

Or da l'archiv:

video
La Tessanda en Val Müstair ha duas emprendistas
Or da Telesguard dals 08.10.2020.
laschar ir. Durada: 3 minutas 50 Secundas.

RTR novitads 20:00

Artitgels legids il pli savens