En Val Müstair ha la polizia tschiffà sonda in automobilist che charrava cun 143 kilometers l'ura. En il lieu da la controlla a Fuldera fissan stads lubids 80 kilometers l'ura. Per incumbensa da la procura publica hajan els confiscà l'auto dal Svizzer da 25 onns, communitgescha la Polizia chantunala.
La polizia ha fatg la sonda en plirs lieus dal Grischun controllas da spertadad. 12 automobilist èn vegnids chastiads cun massivs e 14 automobilists cun simpels surpassaments da sveltezza. En tut han els prendì davant u annullà a 9 automobilists il permiss dad ir cun auto.
Rowdy
Sco rowdy vala per la polizia mintga persuna che surpassa il tempo maximal per almain 60 kilometers l'ura. Al lieu nua che la spertadad è vegnida mesirada, valeva ina spertadad maximala da 80 kilometers l'ura.
