L'Ungarais da 42 onns era mez favrer sgulà cun in parasgulader dal Corvatsch en la Val Roseg. Quai cun la finamira da pernottar là en ina grotta da glatsch. Il di suenter il sgol era el vegnì annunzià sco sparì.
Tar in sgol da tschertga da la Rega era vegnì constatà ch'igl era rut giu in toc glatsch da la lieunga dal Vadret da Roseg. Quai aveva chaschunà ina lavina ch'aveva cuvert la grotta.
Sin quai han policists alpins da la Polizia chantunala adina puspè valità la situaziun al lieu, schebain ina tschertga dal sparì saja pussaivla. Il glindesdi han els lura, en il rom d'ina nova acziun da tschertga, chattà la bara da l'um.
RR novitads 09:00