Siglir tar il cuntegn

Header

video
Bunas notas per hotels GR sin Holidaycheck
Or da Telesguard dals 13.01.2016.
laschar ir. Durada: 4 minutas 22 Secundas.
cuntegn

Engiadina Valitaziuns online: bunas notas per hotels grischuns

Holidaycheck.ch è ina plattafurma d’internet, nua ch’il giast po valitar sia dimora en in hotel. El po valitar pliras spartas e vitiers anc scriver in commentari persunal. Da la media da questas valitaziuns vegn eruì il plaz final en il ranking.

E Holidaycheck.ch ha rangà l’hotel Chasa Montana a Samignun sco numer 1, il meglier hotel da la Svizra. Il directur Daniel Eisner sa legra. Dentant è el conscient che quai n’è betg il sulet criteri che vala. Perquai han auters hotels desistì da quellas valitaziuns.

audio
Bunura: HolidayCheck - bunas notas per hotels grischuns - tge porta quai?
ord Actualitad dals 14.01.2016.
laschar ir. Durada: 2 minutas 43 Secundas.

In exempel e l’hotel Paradies a Ftan. La directura Meike Bambach n’è betg persvasa da questas plattafurmas en l’internet. Ils hotels ston numnadamain supplitgar ils giasts da far uschè ina valitaziun, ils giast na fan quai betg sa sasez anora.

E la reclama custa: sch’insatgi reserva sur la plattafurma ina chombra, lura sto l’hotel pajar ina cumissiun. Perquai insista Meike Bambach sin la veglia metoda, la reclama a bucca. Valitaziuns da giasts restan era vinavant in’impurtanta reclama per ils hotels.

Artitgels legids il pli savens