Siglir tar il cuntegn

Header

Corsin Häfner fiss in dals pli giuvens presidents communals en Grischun.
Legenda: Corsin Häfner fiss in dals pli giuvens presidents communals en Grischun. MAD
cuntegn

Valsot Giuven da 19 onns vul daventar president communal

Corsin Häfner vul daventar president communal da Valsot. Quai ha el confermà envers RTR. L'um da 19 onns vul cun sia candidatura mussar, ch'era persunas giuvnas han interess per la politica communala. El s'engascha dapi intgins onns en il parlament da giuventetgna europeic «EYP Switzerland». Corsin Häfner abita a Chaflur, ina da las fracziuns da Valsot.

Concurrenza per Victor Peer

Uschia datti concurrenza per il capo actual, Victor Peer da Ramosch. Gia dapi otg onns, dapi la fusiun da las vischnancas da Ramosch e Tschlin, è el president da la vischnanca da Valsot.

Las elecziuns communalas èn quest venderdi saira en la sala polivalenta a Ramosch.

video
Giuven da 18 onns vul daventar president communal
Or da Telesguard dals 15.09.2020.
laschar ir

RTR novitads 11:00

Artitgels legids il pli savens

Scrollar a sanestra Scrollar a dretga