Valsot - La festa dal decenni – la festa d’uffants
La festa d’uffants en Engiadina Bassa ha lieu be ina giada en 10 onns. Mintga scolar e mintga scolara ha uschia be ina giada la pussaivladad da sa participar.
Legenda:
Currer cun ina charretta per quadrels da lain.
RTR, Georg Luzzi
2 / 12
Legenda:
Emprim realisar in rom colurà, lura far la fotografia.
RTR, Georg Luzzi
3 / 12
Legenda:
Il post creativ – construir e colurar in rom da lain.
RTR, Georg Luzzi
4 / 12
Legenda:
Ils uffants enturn la chasa da scola a Strada.
RTR, Georg Luzzi
5 / 12
Legenda:
Sport e divertiment – ramassar uschè blera aua sco pussaivel.
RTR, Georg Luzzi
6 / 12
Legenda:
Ina gruppa vid il colurar il rom da lain.
RTR, Georg Luzzi
7 / 12
Legenda:
Siglir cun il bindel elastic.
RTR, Georg Luzzi
8 / 12
Legenda:
Respunder dumondas – in dals 11 posts.
RTR, Georg Luzzi
9 / 12
Legenda:
Tutgar la stgatla, la finamira da quest post.
RTR, Georg Luzzi
10 / 12
Legenda:
Trair cun il schluppet pneumatic.
RTR, Georg Luzzi
11 / 12
Legenda:
Grond divertiment a la festa d'uffants.
RTR, Georg Luzzi
12 / 12
Legenda:
Gronda concentraziun cun trair cun il schluppet pneumatic.
RTR, Georg Luzzi
Radund 400 scolaras e scolaras èn sa participads a la festa d’uffants ch'ha gì lieu quest’onn a Strada en Engiadina Bassa. Tenor magisters pensiunads datti questa festa dapi passa 100 onns.
La finamira era da s’inscuntrar
Pli baud n’existeva nagin telefonin, il contact tranter ils singuls vitgs era plitost rar. Perquai s’inscuntravan ils scolars da Scuol, Sent e Valsot sin in prà per far sport, ma oravant tut era per star da cumpagnia ed emprender ad enconuscher ils vischins.
audio
Bunura: Festa d'uffants a Strada
03:03 min, ord Actualitad dals 05.06.2019.
laschar ir. Durada: 3 minutas 3 Secundas.
La communicaziun sa mida, ma l’inscunter resta
Ils uffants vegnan mintgamai partids en differentas gruppas maschadadas cun gronds e pitschens da differents vitgs. La «famiglia» sco la gruppa vegn numnada sto alura collavurar ensemen e percurrer differents posts sportivs, divertaivels ed era posts sco far in sudoku, u respunder a dumondas politicas e da geografia.
Mintgin dals scolars prenda l’emprima ma era la davosa giada part. Perquai duess questa festa restar en buna memoria per ils uffants.
