A Tschlin sin territori communal da Valsot è capità dumengia en damaun in accident da muntogna mortal. La Polizia chantunala scriva ch'in um saja crudà giu al Muttler e mort.
Il skiunz da 47 onns ed in collega eran davent da Tschlin en l'ascensiun sin il Muttler ch'è 3'295 meters aut. Enturn las 9:45, durant ina pausa sut il piz, è el crudà radund 700 meters en la profunditad sur la flanca da l'ost. La Rega ha mo pli chattà l'um mort. Per la tgira psicologica dal collega han ins clamà in medi. La Polizia chantunala dal Grischun sclerescha co ch'igl è vegnì tar l'accident da muntogna.