Il pilot da 75 onns e ses collegas èn partids da l'Austria. Pli tard èn els sa repartids en duas gruppas en Engiadin'Ota. Ensemen cun in segund pilot è l'um sgulà sur il Muttler ch'è sin territori da la vischnanca Valsot. Tuttenina haja il segund pilot chattà il parasgol en ina costa dal culm, al sid dal Muttler. Anc or da l'aria ha el alarmà la Rega. L'equipa è sgulada cun in spezialist dal Salvament alpin svizzer al lieu. La media haja dentant sulettamain pudì constatar la mort dal pilot.
Ensemen cun la Procura publica federala, ch'è responsabla per accidents da sgol, sclerescha la Polizia chantunala tge circumstanzas che han manà a l'accident.