L'administraziun da Valsot ha infurmà en ina communicaziun da medias sur la radunanza communala da gievgia saira. Quai ha la radunanza decidì:
- Il preventiv per 2023 è vegnì approvà. El prevesa in surpli da prest 700'000 francs, tar expensas totalas da radund 11 milliuns francs.
- Il quint d'investiziuns è medemamain approvà. El cumpiglià pliras grondas investiziuns, tranter auter l'engrondiment da la chasa da scola per radund 4,1 milliuns francs. Ina nova maschina da preparar la loipa custa radund 320'000 francs.
- 113'000 francs vegnan retratgs or dal conto da deposits per ovras publicas per far adattaziuns en connex cun la sanaziun da la via chantunala.
- Il pe da taglia resta tar 95% da la taglia chantunala simpla.
- Ellas fracziuns da Vnà e Strada èsi puspè lubì da sunar ils zains dal clutger da Silvester, a maun cun sugas. Perquai ch’i ha dà donns tar las novas installaziuns electronicas dals zains aveva ins scumandà quai l’onn passà. Il sunar da zains è in’isanza cun lunga tradiziun en tschertas fracziuns da Valsot, scriva l’administraziun da la vischnanca.
audio
Per tadlar: las novitads da las 07:00
ord RTR Audio dals 16.12.2022.
laschar ir. Durada: 5 minutas 44 Secundas.
