Siglir tar il cuntegn

Header

cuntegn

Valsot – zona da mastergn Betg in hotspot turistic, ma in’oasa per firmas

Pliras firmas indigenas han decis da far midada a Ramosch – là han els chattà cundiziuns idealas per lur manaschi.

Turisticamain na vegn la vischnanca da Valsot betg da concurrenzar cun ulteriurs vitgs en l'Engiadina Bassa, perquai han els in’autra strategia – idealas premissas per firmas.

Fin oz han gist trais firmas fatg midada a Valsot. Tenor il president communal Victor Peer hajan ins cun quai passa 30 plazzas da lavur novas a Ramosch.

La mazlaria Reto Zanetti ha fabritgà ina halla moderna, la firma Benderer Sent ScrL ha surpiglià ina gronda part da las localitads dal lavuratori communal e per finir ha la Marangunaria Beer SA, pli baud a Ftan, surpiglià ina resgia ed adattà quella a lur basegns.

audio
Nagin hotspot turistic – perquai in’oasa per firmas
ord Actualitad dals 15.06.2021.
laschar ir. Durada: 2 minutas 59 Secundas.

Quatter ulteriuras firmas en tractativas

Ina hectara è la zona da mastergn a Plan da Muglin sut Ramosch. Tenor infurmaziuns dal president communal han gist quatter firmas inditgà lur interess tar la vischnanca da Valsot. La strategia da la vischnanca ha success, radund 1,8 milliuns ha la planisaziun da la zona custà – e l’interess è grond.

RTR novitads 12:00

Artitgels legids il pli savens