Per senioras e seniors datti bleras furmas d’abitar, di Hermann Thom, cussegliader social da la Prosenectute. Entant che bleras persunas sa decidan da viver vinavant en lur abitaziun nua ch’els han passanta la gronda part da la vita, dettia er furmas anc betg uschè enconuschentas.
WG da seniors, chasa da tgira
Il model il pli enconuschent saja la furma nua che confamigliars u persunas en vischinanza sa decidan da sustegnair e tgirar senioras e seniors. Quai pretendia però ina bun’organisaziun e savens er l’agid d’organisaziuns da tgira sco la Spitex, uschè Thom. I dettia però er persunas che sa decidian da fundar ina WG da seniors – uschia ch’els sa pon gidar vicendaivel. Lura dettia er cas nua che fragliuns sa decidan da puspè viver ensemen sut in tetg. L'ultim'opziun en blers cas saja la chasa da tgira. Per quella sa decidan senioras e seniors savens propi pir cura ch'i na va insumma betg pli a chasa. Impurtant saja tenor Hermann Thom da chattar ina soluziun che cuntenta a tut ils participads.