Siglir tar il cuntegn

Header

video
L'autur Tim Krohn scriva istorgias sin postaziun via internet
Or da Actualitad dals 14.04.2015.
laschar ir. Durada: 2 minutas 51 Secundas.
cuntegn

Engiadina Vender istorgias en la rait

Il scriptur Tim Krohn scriva istorgias davart 777 emoziuns umanas sin postaziun via internet.

777 emoziuns umanas datti. Quai pretenda almain l'autur svizzer Tim Krohn che viva dapi in onn en Val Müstair. Sin la plattafurma da "Crowdfunding" offrescha Krohn da scriver ina istorgia per mintgina da las emoziuns umanas. Cun paucs clics pon ins empustar e cumprar ina istorgia per quella emoziun ch'ins vul. Uschia vul surmuntar Tim Krohn la problematica ch'ins gudogna raps sco autur adina pir suenter ina publicaziun.

audio
Saira: Vender istorgias en la rait
ord Actualitad dals 14.04.2015.
laschar ir. Durada: 4 minutas 20 Secundas.

Litteratura per renovar la chasa

Krohn scriva ussa tut las istorgias empustadas. Quellas funcziunan sco istorgias singulas, Krohn las collia dentant era ad in roman pli grond. Actualmain rimna el 40'000 francs per las primas 111 istorgias. Suenter paucas emnas ha el gia cuntanschì passa 36'000 francs. Krohn e sia famiglia dovran ils raps per pudair renovar la chasa veglia ch'els han cumprà en Val Müstair.

Artitgels legids il pli savens