Ella vala sco attracziun per ils giasts: La via cun l'auto da posta da Martina en l'Engiadina Bassa enfin a Samignun. Ils vehiculs che charreschan sin quest traject èn perquai pli pitschens che quels che trasseschan actualmain tras il Grischun. E tuttina dovran ils manischunz experientscha e plaina concentraziun per betg collidar cun ils mirs dal tunnel.
Actualmain vegn la via da Samignun sanada en divers lieus ed er ils tunnels vegnan per part renovads ubain construids da nov. Ma betg tut ils tunnels èn gia vegnids schlargiads.
Stritgar l'alternativa via l'Austria
I dat però era ina alternativa: Mintga segunda posta fa il viadi sur l’Austria, quella via e bainquant pli largia e pussaivla da charrar cun bus da normala grondezza.
Tenor infurmaziuns dals chauffeurs vegn quest traject eventualmain stritgà da l'urari. Ina decisiun uffiziala n'è però betg sin maisa, quella segua pir durant l’atun da las instanzas responsablas.
