Siglir tar il cuntegn

Header

cuntegn

Engiadina Via libra per il segund binari tranter Bever e Samedan

Mardi è stada l'emprima badigliada per il segund traject da la Viafier retica tranter Bever e Samedan.

A Bever ha la Viafier retica cumenzà oz cun las lavurs da construcziun per il segund vial tranter Bever e Samedan. Il vial dubel lubescha tranter auter cruschadas da trens, uschia ch'il temp da viadi tranter Landquart e San Murezzan vegn pli curt en l'avegnir.

video
Via libra per il segund binari
Or da Telesguard dals 14.11.2017.
laschar ir. Durada: 2 minutas 21 Secundas.

Plinavant curseschan ils trens da la lingia d'Alvra e quels da l'Engiadina en l'avegnir independentamain in da l'auter. Quai è tenor la Viafier retica ina buna premissa per tegnair en meglier l'urari.

Las lavurs vid il tschancun dad 1,4 kilometers custan en tut 52 milliuns francs. Là èn er cumpigliadas las lavurs per sanar ed engrondir la staziun da Bever, che survegn in nov perrun e sutpassadi. Finamira è dad avrir il segund vial enfin l'atun 2019. La nova staziun da Bever duai lura esser a fin sin l'atun 2020.

Cunquai che l'entir project vegn realisà en il rom dal project d'infrastructura «Step 2025» da la Confederaziun, surpiglia quella era la finanziaziun dals 52 milliuns francs.

RR novitads 12:00

Artitgels legids il pli savens