Cun 147 kilometers l'ura è in automobilist Finlandais vegnì tschiffà sin la via principala en l'Engiadina. Lubids fissan stads 80 kilometers l'ura. La procura publica ha confiscà ses vehichel. Latiers ha el stuì deponer 6'000 francs ed il permiss da charrar da l'exteriur è vegnì annullà.
Bler memia spert - lura valan ins sco rowdy
A trais ulteriurs Finlandais è lur permiss medemamain vegnì annullà ed er in Svizzer ha stuì dar giu il bigliet gist al lieu. Els èn charrads cun tranter 110 e 138 kilometers l'ura. Quai è bain er in grev surpassament da la limita, ma pir cun charrar ordaifer ils vitgs cun passa 60 kilometers l'ura da memia valan ins sco rowdy.
Ord l'archiv
Tgi che va memia spert cun auto sto quintar ch'ils apparats da radar fetschian ina fotografia e la polizia possia identifitgar el e far responsabel el.
