Radund 60 participants èn da la partida, da tut las vegliadetgnas. Els vegnan accumpagnads da lur animals che gidan a transportar la rauba durant lur viadi ventiraivel.
Jau hai fatg insatge ch’i na dat betg mintgadi e jau hai mia pasch e recreaziun chaminond cun mes mil «Bibi» lung la Via Valtellina.
Il viadi maina la gruppa che vegn accumpagnada da 17 animals da Claustra fin a Tirano en l'Italia. Quai trapartì en tschintg etappas. Ch’ins na dastgia betg sutvalitar il traject, suttastritga Ronny Isenschmid, in dals participants da la Via Valtellina 2021. Quella maina numnadamain sur munts e vals. Uschia han ils viturins e las viandantas entant gia superà il Pass dal Scaletta suenter lur arriv a Zuoz. La proxima sfida vegn ad esser il Pass dal Bernina.
Previs è l'arriv da tut il train istoric la gievgia a Tirano.
