Siglir tar il cuntegn

Header

video
Novs plans per ina colliaziun da viafier tranter Landeck e Mals
Or da Telesguard dals 03.09.2018.
laschar ir. Durada: 3 minutas 7 Secundas.
cuntegn

Engiadina Viafier Reschen duai colliar l'Engiadina cun il Tirol

Anc è l'idea da realisar ina Viafier che collia il Tirol, l'Engiadina ed il Tirol dal Sid ina visiun. Adina puspè è questa idea stada sin maisa, ella n'è dentant mai vegnida realisada.

Ina gruppaziun da politichers dal Tirol dal Sid vul anc ina giada dar in'emprova cun ina viafier che collia ils trais pajais. En differents lieus preschentan els il project che vegniss realisà en duas etappas. L'emprima etappa prevesa ina colliaziun tranter Landeck e Mals – e la segunda la colliaziun cun Scuol ed uschia cun la Viafier retica.

audio
Saira: Viafier dal Reschen – in project da colliaziun
ord Actualitad dals 03.09.2018.
laschar ir. Durada: 2 minutas 48 Secundas.

Ils Grischuns èn anc precauts

Il president da vischnanca da Zernez e da l'uniun Terra Raetica, Emil Müller, vul sco emprim s'infurmar pli exact davart il project. Suenter vul el, tut tenor co il project vesa ora, almain ina giada sa participar vi dals studis.

Era il cusseglier guvernativ Mario Cavigelli vul uss ina giada persequitar las discussiuns en il Tirol ed il Tirol dal Sid. Vegn il project dentant pli concret, lura saja da contactar ils partenaris en l'Austria e l'Italia.

RR actualitad 17:00

Artitgels legids il pli savens