Tar lavurs da construcziun da notg da la Viafier retica en il tunnel da Brail è vegnì liber ina platta da grip. Sco la Viafier retica scriva, sajan parts instabilas da la platta crudadas sin il binaris. I n'ha dà nagins blessads, vi d'ina maschina hai dà pitschens donns. Las lavurs han stuì vegnir interruttas. Geologs examineschan uss quest grip. Fin che lez dattan glisch verda resta la lingia tranter Cinuos-chel-Brail fin Zernez serrada. Enstagl curseschan bus da remplazzament.
