Siglir tar il cuntegn
cuntegn

Engiadina Viandants e bikers sin la medema senda – va quai?

Il viandant tschertga la natira ed il biker l’aventura – omadus sin il medem traject. In conflict, sche la senda na correspunda betg a las premissas.

Legenda: Guardar il video «Albula-Trail»: Ina senda per viandants e bikers. Durada 03:49 minutas.
Or da Telesguard dals 31.05.2018.

A La Punt Chamues-ch vegn construida ina senda per viandants e per bikers. «Albula-Trail» sa numna quel traject che cumenza sin il Pass d’Alvra e maina sur radund 7 kilometers giu en la val. 130’000 francs investescha la vischnanca.

Suenter il bike vegn l'e-bike

Il trend dad ir cun il bike survegn nov schlantsch, quai grazia a l'e-bike. Cun il bike electric vegnan en avegnir er main trenads ad esser da viadi sur munts e vals. Per il turissem en omadus giasts impurtants e per omadus vul ins porscher rutas attractivas.

Evitar conflicts cun construir rutas adattadas

Il viandant giavischa ina senda attractiva e segira, il biker però giavischa obstachels e serpentinas. Il vitg da la Punt Chamues-ch è vidlonder da resguardar quels giavischs. Ina senda largia, survesaivla – nua che il biker ed il viandant dastgan s’inscuntrar senza s’agitar.

RR actualitad 17:00