Siglir tar il cuntegn
Inhalt

Engiadina Viandar e currer – temas da paisa per l'Engiadin'Ota

La conferenza dals presidents da la regiun Malögia ha incumbensà la destinaziun da lavurar ora in «Masterplan Trail». Cun quel duaian viandar, currer e turas da skis survegnir dapli paisa en la communicaziun da l'organisaziun da turissem Engiadina San Murezzan.

Currider stà sin in grip e contemplescha las muntognas zugliadas da naiv.
Legenda: Trailrunning è adina pli popular e quai vul l'Engiadin'Ota nizzegiar. SRF

«Trailrunning» saja in grond trend èn ils presidents communals da l'Engiadin'Ota persvas. Perquai duai la destinaziun lavurar ora in concept che cuntegna chartas, rutas signalisadas e material da communicaziun per promover l'Engiadin'Ota sco lieu adattà per quest sport.

Il concept duai dentant era cuntegnair mesiras per viandar. Tranter auter duai vegnir definì, co ch'ins pudess evitar conflicts tranter viandants e bikers sin sendas da viandar.

Iniziativa halla da glatsch regiunala

Ils presidents han plinavant tractà la missiva per la votaziun davart l'iniziativa per ina halla da glatsch regiunala. Deliberà duai quella vegnir a la proxima sesida ils 13 da december. Avert è anc sche la conferenza da presidents duai metter ina recumandaziun en la missiva u betg.

RR novitads 17.00