Per spectacul sin il glatsch procura questa stagiun l’american Auston Matthews. El cumplenescha en paucas emnas ses 18avel anniversari e vala sco in dals pli gronds talents mundials da sia annada.
Organisaturs cuntents cun gieus da preparaziun
Per finir il champ da hockey giogan ils ZSC Lions encunter il Dornbirner EC. Gia avant dus emnas aveva il HCD giugà en la halla da glatsch Gurlaina a Scuol en il rom da la fasa da preparaziun.
Tant il manader da la halla da glatsch Gurlaina, Mario Duschèn sco era il president dal CdH Engiadina, Marco Ritzmann tiran ina bilantscha positiva tar ils dus gieus d'amicizia.