La vigna da Gian Luca Vitalini e ses bab a Scuol
Gia da pitschen era Gian Luca Vitalini adina puspè en la regiun Piemont tar enconuschents. La ha el visità diversas vignas ed adina gì grond interess da quest tema.
Ussa han Gian Luca Vitalini e ses bab Giovanni plantà radund 120 plantas da la marca «Cabernet Jura» gist a l'ur dal vitg. Il clima saja bun ed era il terren, di Gian Luca Vitalini. L’unica intschertezza sajan las temperaturas, oravant tut durant l’atun.
audio
Forsa in cabernet engiadinais en l’avegnir
ord Actualitad dals 14.07.2023.
Maletg: RTR
laschar ir. Durada: 2 minutas 31 Secundas.
Ils Vitalinis han investì bleras uras per realisar lur siemi da far insacura vin. Actualmain èn la plantas creschidas per radund 70 centimeters. Sche tut funcziuna sco planisà, dastgan els spetgar en dus enfin trais onns ils emprims resultats, en furma d'in bun vin.
