Siglir tar il cuntegn

Header

video
Vignas da l'emprim vin ladin
Or da Actualitad dals 14.04.2016.
laschar ir. Durada: 1 minuta 14 Secundas.
cuntegn

Engiadina Vignas en novas regiuns dal Grischun

Avant otg onns ha el emplantà las emprimas plantas dad ivas. Per Armon Mayer, in giuven pur da Valsot en l’Engiadina Bassa, pudess quai daventar ina nova frastga economica per ses affar.

La puraria dad Armon e Petra Mayer-Schlegel sa rechatta a Chazura, ina fracziun da la vischnanca da Valsot. Chazura sa chatta ca. 1‘100 meters sur mar en in lieu fitg sulegliv e protegì dal vent. L’Engiadina Bassa è enconuschenta per pauca plievgia, tuts indicaturs che gidan da sviluppar las plantas d’ivas.

Armon Mayer lavura vi da sia vigna.
Legenda: Armon Mayer lavura vi da sia vigna. RTR, G. Luzzi

Motiv principal n’era betg il clima

Sia dunna Petra è oriunda da Jenins. La famiglia Schlegel tutga tar las enconuschentas che produceschan vin gia dapi decennis. Quai è stà il motiv principal ch’Armon Mayer ha er emplantà plantas tar els en Engiadina Bassa.

Il clima è culpabel

Las temperaturas dal mund sa midan. Il clima ideal per vignas sa sposta adina pli fitg vers nord. Regiuns ch’èn idealas per producir vin daventan pli chaudas e regiuns nua ch’igl è oz fitg fraid vegnan en l’avegnir en dumonda per emplantar ina vigna. Natiralmain sa mova quest proceder be plunet e dura anc decennis.

Schebain quest project resta ina visiun u daventa realitad, quai pon ins chattar or be schi’s emprova sez. Armon e Petra Mayer-Schlegel èn pervas che lur idea pudess avair success.

Artitgels legids il pli savens