Senza ponderar grond stattan Andrea e ses figl Silvano Pua davant chamona. Il spievel lung è drizzà sin la grava da l'autra vart da la val.
In urs sin la grava
Nagins chamutschs, nagins tschiervs ma tuttina in punct stgir è visibel. Al figl Silvano è dà en egl in urs sin ina distanza da radund 400 fin 500 meters da lur chamona da chatscha.
Chattà fastiz schon avantmezdi
Circa ventg minutas han Andrea e Silvano gì la pussaivladad d’observar quest urs corpulent sin far notg. Ma l'istorgia cumenza gia l'avantmezdi. Il figl Silvano era a pestgar en la Val d'Uina ed ha chattà fastizs d'ina bestga betg enconuschenta. El ha fatg fotografias e mussà quellas a chasa. Uss è tut cler – quai eran ils fastizs da l'urs.
Cumparegliaziun dals maletgs
Tema – naaa
Natiralmain fa quai respect da vesair ina tala bestga en vischinanza, ma tuttina, ils Puas na midan betg lur strategia per viver e chaminar tras la Val d’Uina. Ma quai ch'è segir – era en avegnir van els cun egls averts tras la val.
RR actualitad 07:00