Siglir tar il cuntegn

Header

Engadiner Sommerlauf
Legenda: Direcziun arrivada a Samedan. Engadiner Sommerlauf
cuntegn

Engiadina Vischnanca cunter vischnanca a la cursa da stad engiadinaisa

La cursa da stad engiadinaisa daventa adina pli populara. L'onn 2005: mo radund 600 en l'arrivada. Uss: passa 2000 participants. Per francar anc pli fitg l'eveniment en la regiun datti quest onn ina concurrenza tranter las vischnancas Segl fin Samedan. Tgi ha ils pli blers abitants a la partenza?

Entant maina San Murezzan avant Samedan e Puntraschigna. Fatg giu quint vegnia dentant pir dumengia suenter la partenza, di la pledadra da medias Gabi Egli.
I pudess numnadamain anc daventar stretg per il titel d'onur ed in premi sponsurà da la Repower.

San Murezzan avant Samedan e Puntraschigna

Il mument ha San Murezzan a la partenza ils pli blers abitants congualà cun la cifra d'abitants.

Legenda:
QuantAs participantAs a la cursa en relaziun cun la populaziun: Betg tut las vischnancas èn tuttina entusiastas: La quota da participaziun (en relaziun cun la populaziun totala) variescha da 1,7% fin a 0,8%, pia strusch da vesair en relaziun cun la populaziun totala (Cliccai sin ils indicaturs).
audio
Mezdi: La cursa da stad, nov cun ina concurrenza tranter las vischnancas
ord Actualitad dals 17.08.2016.
laschar ir. Durada: 2 minutas 30 Secundas.

Finamira da la concurrenza tranter las vischnancas era da dasdar il cumbat da concurrenza tranter ils abitants ed a lunga vista da francar anc pli fitg en la regiun l'eveniment e rinforzar la collavuraziun tranter l'organisaziun da la cursa e las 6 vischnancas per lung il traject, uschè Gabi Egli.

Legenda:
QuantAs participantAs a la cursa en cifras absolutas.

Artitgels legids il pli savens