Cun approvar il midament tar il diever da vias champestras è er pertutgada la via en la Val Bever. Dapi il cumenzament da construcziun dal tunnel da l’Alvra è quella via stada averta er l’enviern. Quai sco prova, uschè il chanzlist da Bever, Renato Roffler.
Access limità
Cun la revisiun parziala dal reglament, saja quai uss er reglà tenor la lescha. Passar e duvrar la via champestra che è da la vart sanestra da la Val Bever, pon dentant be vehichels cun permiss. Dus terz dal terren nua che la via passa tras è en possess da privats. Encunter la revisiun po anc vegnir fatg recurs a Cuira.
Ultra da quai han ils 23 preschents approvà la nova cunvegna da prestaziun cun la Fundaziun Provediment da sanadad Engiadin’Ota. Per la vischnanca da Bever resultan custs dad 84’600 francs. Ditg Gea ha la radunanza communala er ad in credit da 75’000 francs per perfuradas da sondagi en connex cun aua sutterrana per in stgaudament a distanza.