Durant duas sairas ha la vischnanca da S-chanf preschentà la revisiun da la constituziun communala a la populaziun. Quest prevesa pliras midadas. Tranter auter ha la radunanza communala decis d'inoltrar in model da direcziun d'affars. Quai per pudair distgargiar ils suprastants communals ha la radunanza communala. Uschia èsi previs da prender dapart las lavurs strategicas ed operativas tar la vischnanca.
Previs fiss er stà d’augmentar il temp d’uffizi da la suprastanza ed il presidi da trais sin quatter onns. Quai cun l’argumentaziun che las persunas elegidas en in gremi politic hajan dapli temp per sa profundar en la materia politica communala. La radunanza ha però refusà la proposta e vul era en avegnir in temp d’uffizi da trais onns.
Principi da transparenza
Plinavant segua S-chanf a diversas vischnancas in Engaidin’Ota ed inoltrescha la lescha a reguard il principi da transparenza tenor la lescha chantunala grischuna.
A la radunanza èn stadas preschentas radund 60 persunas, quai scriva la vischnanca a las medias. La constituziun vegn ussa suttamessa ad ina votaziun d’urna.