Siglir tar il cuntegn

Header

cuntegn

Vischnanca da Schlarigna Transfurmaziun dal center communal

La vischnanca prevesa investiziuns totalas da radund 45 milliuns per embellir e far vegnir pli attractiv la vischnanca.

Sut il num «La Diagonela» prevesa la vischnanca da Schlarigna da vegnir, oravant tut turisticamain pli attractiva ed era rinforzar la mastergnanza locala. Previs èn gist diversas adattaziuns, embellir il center istoric, mesiras per limitar e franar il traffic tras tut la vischnanca e dar als peduns la prioritad, plinavant da meglierar la situaziun da parcar, embellir las plazzas communalas ma era organisar da nov la situaziun enturn il center da sport e per finir fabritgar in nov center da bike e passlung.

audio
Nov center dal vitg
ord Actualitad dals 17.08.2021.
laschar ir. Durada: 2 minutas 45 Secundas.



Quest project è vegnì lantschà avant radund 5 onns e vegn a custar total radund 45 milliuns francs. La populaziun ha a partir dad immediat la pussaivladad da prender posiziun sin quest project general.

La vischnanca da Schlarigna prevesa proxim onn da suttametter a la populaziun in emprim credit da 24 milliuns per realisar l'emprima etappa. Per realisar tut il project preves'ins in temp da 4 enfin 5 onns.

video
Transfurmaziun dal center communal Schlarigna
Or da Telesguard dals 17.08.2021.
laschar ir. Durada: 52 Secundas.

RTR novitads 19:00

Artitgels legids il pli savens