Siglir tar il cuntegn

Header

audio
Zona da mastergn Pozzet è dispitaivla
Or da Actualitad dals 21.02.2022.
laschar ir. Durada: 3 minutas 40 Secundas.
cuntegn

Vischnanca da Scuol Zona da mastergnanza Pozzet dispitaivla

L’anteriura vischnanca da Sent aveva decis per l’engrondiment, ma per Scuol èn las investiziuns memia grondas.

Gist curt avant la fusiun a la vischnanca da Scuol aveva la vischnanca da Sent dà il 2014 glisch verda a l’urna per in engrondiment da duas ulteriuras parcellas. Quatter onns pli tard ha lura era la regenza grischuna dà il consentiment a quella revisiun parziala.

Durant la planisaziun dal plan da quartier ha la vischnanca da Scuol però constatà ch'il provediment n’adempleschia betg a las prescripziuns actualas. In nov provediment d’aua per quella zona vegn a custar, tenor la vischnanca, radund 700’000 francs.

Per il president communal na stat la grondezza da quella zona betg en relaziun cun ils custs per la realisaziun. Perquai propona la suprastanza communala ussa da suttametter a la populaziun la revisiun da questa zona, propona però il medem mument da refusar quella.

Tgi che di A sto ussa era dir B

Da tut in auter avis è Georg Buchli da Sent. El ha manà plirs onns l’anteriura interpresa da fabrica Buchli. Sia firma aveva en quella zona da masteranza in deposit da material ed era fabritgà sin agens custs l’entira infrastructura basegnaivla. Per el èsi evident che Scuol sto ussa respectar la decisiun da l’anteriura vischnanca da Sent.

Quest cas è actualmain in cas giuridic e betg anc serrà giu.

RTR actualitad 12:00;

Artitgels legids il pli savens

Scrollar a sanestra Scrollar a dretga