La raschun per quest success sajan investiziuns betg realisadas en il rom previs scriva l'Agentura da novitads rumantscha ANR. Perquai s'amuntian las investiziuns nettas a 302'200 francs. Il cashflow saja tar 472'700 francs.
Per il president communal Rico Lamprecht saja questa cifra in mussament che la vischnanca haja difficultads da finanziar investiziuns ord agens mezs, scriva l'ANR:
Perquai che l'import dad investiziuns surpassa l'atgna finanziaziun vegn quel a stuair vegnir cuvernà cun novs debits.
Il quint dal Center da sanadad Val Müstair serra per il 2018 cun in minus da var 290'000 francs. Quai èn var 160'000 francs meglier che l'onn avant.
Tant il quint da la vischnanca sco er quel dal Center da sanadad ha la radunanza communala da Müstair approvà la mesemna saira.
RR novitads 15:00