Dapi fusiuns da vischnancas datti era dapli chasas da scolas e biros communals vids. Per las vischnancas n’èn quai betg pli objects relevants per la fatschenta communala.
La scola a Tschlin sco exempel
En la scola da Tschlin na vegn dapi onns betg pli dà scola. La vischnanca ha fatg differents studis ed era gia fittà l'object. Oz e quella puspè vida e la vischnanca è puspè là, nua ch'ella ha cumenzà.
In studi sco exempel per tut il chantun
Cun sustegn da la Regiun Engiadina Bassa Val Müstair e la collavuraziun cun l'uffizi d’economia e turissem dal chantun han els ussa incumbensà a la Scol’auta Turitgaisa da realisar ina sort manual. Tenor il cusseglier communal Fadri Riatsch da Vnà stattan oravant tut las dumondas, co cuntanscher il consentiment da la populaziun e plinavant co chattar la persuna adattada per lura avair era success. Il studi vegn realisà dal professur Stefan Forster da la Scol’auta Turitgesa.