Tut ha stuì ir spert avant 10 onns: il possessur aveva da lez temp sfurzà la vischnanca da suttametter spert il permiss da fabrica e suttascrit in contract da fittanza per il terren da fabrica. Il «Chillyhub» è sinaquai vegnì fabritgà, ma l’avertura n'ha betg gì lieu. Enturn il «Chillyhub» èsi sur ils onns daventà quiet e la populaziun da la fracziun da Ramosch è trumpada.
Nov possessur – nova speranza
Ussa vul in giuven da 28 onns purtar nova vita a Ramosch cun in nov restaurant che duai remplazzar il «Chillyhub». Jonathan Gerz, il nov possessur, vul avrir e manar in nov restaurant cun il num «Macun».
L’idea dal num è naschida sin ils lais da Macun, sin territori da la vischnanca da Zernez
Concept per giuven e vegl
Il restaurant «Macun» sa chatta en vischinanza da la via principala che maina tras l’Engiadina. Cun ina buna reclama da visibilitad vul il nov mainagestiun, Jonathan Gerz, persvader la glieud da fermar en ses nov restaurant. Durant l’enviern spera Jonathan Gerz plinavant d'attrair ils passlunghists e las passalunghistas, cunquai che la pista da passlung sa chattia datiers dal restaurant.
Restaurant Macun a Ramosch
-
Bild 1 von 3. Jonathan Gerz davant il restorant Macun. Bildquelle: RTR.
-
Bild 2 von 3. Ina moderna construcziun da lain e vaider. Bildquelle: RTR.
-
Bild 3 von 3. Avant 10 onns fabritgà ussa finalmain l'avertura. Bildquelle: RTR.
La fin d’emna duai lura mintgamai dar in midament radical per era porscher als giuvens in lieu da trategniment cun musica da DJ, ma era musica live cun artistas ed artists da la regiun.
L’avertura è previsa per l’entschatta 2026. Sco emprim'occurenza èsi previs d'organisar il proxim silvester a Ramosch.