Siglir tar il cuntegn

Header

cuntegn

Vischnanca da Valsot La butia nova vegn fabritgada

La radunanza communala ha consenti in credit dad in milliun francs per realisar ina nova butia per la fracziun da Ramosch.

Radunanza communala a Ramosch
Legenda: Radunanza communala a Ramosch RTR, Georg Luzzi

Durant la stad 2022 dess la nova butia in lain vegnir fabritgada. L’avertura e previsa enfin il pli tard da primavaira 2023. En quel object dess avair lieu era la posta ed in pitschen café. Per pudair realisar quest project vegn mess a disposiziun radund in terz da la plazza da scola. Cun la scola da Ramosch ins prevesa da far midada en la scola da Strada.

La vischnanca da Valsot fabritga l’object e da a fit a Wanda Hopmann che maina gia oz la butia da mangiativas a Ramosch. La butia existenta sa chattia en localitads privatas, il contract cul possessur scada la fin dal mais mars 2023.

La vischnanca quinta cun in surpli l'onn proxim

Ultra da quai ha la radunanza communala approvà il preventiv 2022, che parta d'in plus da var 50'000 francs, tar entradas da passa 11,5 milliuns francs. En pli ha il suveran da Valsot decis da laschar il pe da taglia sin 95 pertschient da la taglia chantunala simpla.

audio
Per tadlar curt e cumpact
ord RTR Audio dals 09.12.2021. Bild: RTR
laschar ir. Durada: 1 minuta 7 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga