La butia da vivondas existenta dastga restar en las localitads mo fin da L'onn 2023. Silsuenter ston els bandunar quellas. La societad «Butia Ramosch» che ha radund 100 commembras e commembers è ida en tschertga da soluziuns. La finala han els chattà grond sustegn da la vischnanca. La suprastanza ha ussa preschentà in project per ina butia amez la vischnanca, sin la plazza da parcar da la chasa da scola a Ramosch.
Dal 2023 scada il contract da fittanza da la butia existenta. Sche nus na piglian betg per mauns quest project, na datti nagina butia pli a Ramosch en l'avegnir
Causa mancanza da scolaras e scolars na vegn quella chasa da scola en l'avegnir betg pli duvrada. Ina butia en la chasa da scola è però betg stada in’opziun per la suprastanza communala. Uschia han els ussa preschentà in nov bajetg modern ord lain, gist dasperas sin la plazza da parcar.
La populaziun ha gì la pussaivladad d’avair invista en l'idea dal project. La decisiun finala sche quest object dastga vegnir fabritgà, succeda en occasiun da la radunanza dal preventiv 2022 da la vischnanca da Valsot.