Fin ussa dastgavan suprastants vegnir reelegids mo ina giada, vul dir: restar en uffizi maximal otg onns. Il president communal perencunter dastgava vegnir reelegì per duas periodas, ed uschia restar en uffizi fin a 12 onns.
Da nov ha la suprastanza communala era dapli cumpetenzas finanzialas en il futur. Per expensas unicas vala da nov ina limita da 100’000 francs, e per expensas annualas è la limita a 30’000 francs. Il suveran da Valsot ha adattà uschia la constituziun communala.
Aut surpli
Plinavant ha il suveran da Valsot approvà il quint 2019, che serra cun in gudogn da bun dus milliuns francs. Quai tar expensas da passa 9,9 milliuns francs. L’import da las investiziuns nettas han muntà l’onn passà a passa 2,6 milliuns francs.
audio
Per tadlar: Las novitads da las 06.00
ord RTR Audio dals 30.06.2020.
Maletg: RTR
laschar ir. Durada: 6 minutas 46 Secundas.