Ils da Zernez han decis da vender ina parcella da bajegiar en il quartier Ruzön a la firma NCZ GmbH, che ha l’intenziun da realisar 14 abitaziuns per dar a fit u per vender ad indigens. Ultra da quai ha il suveran approvà la revisiun parziala da la lescha da la forza electrica. Numnadamain è vegnida surprendida ed integrada la rait electrica da la fracziun da Brail en l’EW Zernez.
Approvà trais credits d’investiziuns
Ultra da quai ha il suveran da Zernez approvà trais credits d’investiziuns. Numnadamain duai vegnir optimada la rait da scumpartiziun en la fracziun da Brail per 145’000 francs. In credit da 50’000 francs è previs per elavurar in sistem da segirezza per il provediment d’aua ed in ulteriur credit da 140’000 francs è previs per sanar la serenera da Zernez.
audio
Per tadlar - curt e cumpact
ord RTR Audio dals 25.04.2021.
Maletg: RTR
laschar ir. Durada: 1 minuta 5 Secundas.