Vischnanca surpiglia gestiun da restaurant Ova Verva

Dapi ch’ils fittadins dal restaurant en il bogn da San Murezzan èn ids concurs il cumenzament da november, è il bistro ViV serrà. Uss vulan las autoritads communalas ch'il bistro possia bainbaud puspè avrir las portas.

In aperitiv cun ligiongia e da baiver sin ina maisa bassa. Bild in Lightbox öffnen.

Legenda da maletgs: Il bistro ViV duai bainbaud puspè avrir las portas. MAD

Per la stagiun d’enviern 2017/18 vegn la restauraziun gestiunada interimistic da la vischnanca da San Murezzan, scriva la Posta Ladina. Per manar il Bistro che porscha 150 plazzas dadens e 40 plazzas sin la terrassa, tschertga la vischnanca en in inserat persunal per il restaurant dal Bogn Ova Verva a San Murezzan. I sa tracta da plazzas da lavur stagiunalas.

Cumplettar il team per reavrir

Sco quai ch’il manader da gestiun Marco Michel ha confermà ad RTR hajan ins pudì persvader dus collavuraturs dals vegls fittadins dal bistro, da restar vinavant. Ultra da quai dovri dentant var 4 persunas en pli, per pudair manar il restaurant durant tut l’enviern.

Soluziun ad interim

Sper la tschertga da persunal per questa stagiun d’enviern, sajan ils responsabels da vischnanca e bogn er vi da l’elavuraziun d’in plan, co ch’il bistro duai vegnir manà en avegnir, en tge furma e da tgi.

Previs è tenor Marco Michel da puspè avrir las portas dal bistro il pli svelt pussibel, dentant segir il pli tard per ils dis da festa.

RR novitads 17:00