Siglir tar il cuntegn
cuntegn

Engiadina Vischnancas da l'Engiadina Bassa vulan decisiun giudiziala

Las vischnancas concessiunarias da l'Engiadina Bassa èn sa decididas da trair davant il Tribunal administrativ federal la decisiun da la Cumissiun federala per l'electricitad.

Ova electrica Pradella da las Ovras Electricas Engiadina SA.
Legenda: Ova electrica Pradella da las Ovras Electricas Engiadina SA. Keystone

Quella aveva decidì che las Ovras Electricas Engiadina pon far pajar las vischnancas concessiunarias taxas per il diever da la rait electrica, sch'ellas retiran electricitad entras terzs.

Tenor Not Carl, il president da la Corporaziun da las vischnancas concessiunarias, pertutga quai l'Engiadina Bassa a moda massiva. Las vischnancas èn da l'avis che las taxas n'èn betg giustifitgadas.

I va per milliuns

Il directur da las Ovras Electricas Engiadina, Michael Roth, di ch'ins veglia tschertezza giuridica e ch'ins n'haja uschia nagut encunter il recurs a la proxima instanza.

Per onn vegnian per il diever da la rait electrica mess en quint tranter dus e trais milliuns francs a las vischnancas, uschia Roth.

RR novitads 18:00