Siglir tar il cuntegn

Header

L'ospital regiunal a Samedan.
Legenda: L'ospital regiunal a Samedan. SRF
cuntegn

Engiadina Vischnancas han da pajar damain per l’ospital regiunal

Il parlament regiunal d’Engiadin’Ota ha prendì enconuschientscha dal preventiv 2017 dal ospital regiunal a Samedan. Quel prevesa tranter auter in augment da paja per il persunal dad 1.0%.

Previs è che las vischnancas pajan l’onn 2017 radund 1,4 milliuns francs a l’ospital regiunal a Samedan. Quai èn 0,2 milliuns damain che budgetà. Co Heinz Schneider, il directur da l’ospital Samedan ha declerà al parlament, sajan ins vinavant sin buna via per reducir ils custs per las vischnancas.

Investiziun en cuschina

Cun in’investiziun da dus milliuns francs vul l’ospital regiunal modernisar e renovar la cuschina existenta ch'è entant 37 onns veglia. Ultra da quai surpiglia l’ospital a partir da december 2016 la partiziun da la pratica da pediatria da dr. Bienentreu a San Murezzan.

Bunas notas da pazients

Cun in questiunari ha l’ospital dumandà ses pazients quant cuntents ch'els sajan cun ils servetschs purschids. En general resulta che l’ospital s'ha pudì megliurar en tut las partiziuns dapi l’ultima retschertga l’onn 2012. Surtut la tgira saja vegnida valitada fitg auta, ha suttastritgà il directur.

RTR/ac

Artitgels legì il pli savens

Nach links scrollen Nach rechts scrollen