Durant l'emna resta la bar normalmain serrada, mo Severin Peter (28), commember dalla «Giuventüna da Bever», fa ina excepziun, arva las portas e fa ina manada tras las localitads:
audio
La giuventetgna da Bever maina la bar dal vitg
ord Actualitad dals 09.07.2020.
laschar ir. Durada: 4 minutas 24 Secundas.
Ensemen cun radund 15 auters commembers da la giuventetgna maina el ils venderdis e las sondas sairas la Bar Fuschina. Mintgamai duas persunas èn responsablas per ina saira e dattan or bavrondas davos las duas tecas. Per la giuventetgna è quai il lieu da sentupada:
Qua èsi adina legher, sch'ins è en la bar en trais u en trenta.
Legenda:
ll commember da la giuventetgna Severin Peter avant lur lieu da sentupada, la Fuschina-Bar,
RTR, Lucia Parolini
Impurtant da mantegnair il lieu da cumpagnia
Dapi il december passà è la Bar-Fuschina en ils mauns da la giuventetgna. Ils davos 22 onns aveva Giovanna Duschén, ch'è dacurt morta, manà la bar. Ella na pudeva la fin da l'onn dentant betg pli cuntinuar cun la lavur ed uschia ha la«Giuventüna da Bever» decidì da surprender il pitschen manaschi:
Ella era per nus in zichel sc'ina nonna. Sco Giuventüna levan nus alura mantegnair quella bar, quest bel lieu da cumpagnia.
