S-chanf è in dals 12 finalists per il vitg svizzer da l'onn. La concurrenza vegn organisada da la Schweizer Illustrierte. Quest onn na vegn dentant betg tschertgà il pli bel vitg, mabain quel ch'è sa distinguì en la crisa da corona cun spezialmain blera solidaritad e creativitad.
Lecturas e lecturs sco era ina giuria da prominents ord tuttas regiuns linguisticas han selecziunà ils 12 vitgs dal final. L'elecziun dal vitg da l'onn dura fin il prim da settember.
La glista dals finalists:
- Essertines-sur-Yverdon VD
- Fieschertal VS
- Guttannen BE
- Gambarogno TI
- Häggenschwil SG
- Hergiswil NW
- Hermanence GE
- La Sarraz VD
- Losone TI
- Ruswil LU
- S-chanf GR
- Wegenstetten AG