Siglir tar il cuntegn
cuntegn

Engiadina Voices on Top è mort

Il festival da musica che aveva lieu a Puntraschigna ils davos 5 onns na datti betg pli a partir da quest onn. Quai ha il president communal da Puntraschigna ditg a Radiotelevisiun Svizra Rumantscha. Gia suenter la 3. ediziun da l'occurrenza steva questa sin chommas falombras.

Sala dal rondo a Puntraschigna
Legenda: In purtret ch'ins na vesa quest onn betg pli. Il Voices on Top è mort. P. Huber

Suenter in'evaluaziun da custs e profit han ins decidì da betg pli far l’event. La vischnanca saja betg pli pronta d’investir mintg’onn radund 300'000 francs, senza che l’occurrenza portia las pernottaziuns giavischadas.

L'occurrenza n'ha betg il status d'esser insatge unic, e quai saja il problem, uschia il president communal da Puntraschigna, Martin Aebli, envers RTR. A l'entschatta da la seria da concerts d’atun, hajan ins spetgà che blera glieud externa vegnia a Puntraschigna e conturn. Quai era dentant memia pauc il cas.