Engiadina - White Turf s’adatta als envierns miaivels - Novitads

En vista als envierns pli e pli miaivels lubeschia quai d'esser pli flexibel cun il program - scrivan ils organisaturs dal White Turf. Cun quest urari saja pussibel da reagir durant tut las trais dumengias da cursa (12, 19 e 26 da favrer) uschia, ch’il «bainstar e la segirezza dals protagonists principals», numnadamain ils chavals ed ils activs, vegnia resguardà il meglier pussaivel.

Animals sin il lai da San Murezzan - dapli che mo chavagls...

Maletg 1 / 10

Legenda: Chavals da cursa en acziun - cler ch’i dat da quels sin il lai... Keystone

Maletg 2 / 10

Legenda: ... ed en il program accumpagnant (tir a quatter roman, 2009) – dentant... Keystone

Maletg 3 / 10

Legenda: ... ils unics vairs animals n’èn els betg per tuts (Sin il maletg chaval «King George»). Keystone

Maletg 4 / 10

Legenda: I dat anc auters cun quatter chommas, in diversas variaziuns... Keystone

Maletg 5 / 10

Legenda: ... e grondezzas (chaun da luf irlandais). Keystone

Maletg 6 / 10

Legenda: I dat da quels, che han da chaminar sez ed auters che vegnian purtads ... Keystone

Maletg 7 / 10

Legenda: ... e da quels (evla alva, 2014), ch’ins n’aspetgass betg propi en Engiadina. Keystone

Maletg 8 / 10

Legenda: I dat dentant era da quels (installaziun artistica, 2011), che dattan en autra maniera en egl... Keystone

Maletg 9 / 10

Legenda: ... u che na vegnian probablamain strusch pli realisads, indigens... Keystone

Maletg 10 / 10

Legenda: ... e da quels immigrads. Keystone

Ina sfida per ils organisaturs dal White Turfe e lur concept da traffic vegn ad esser, che las dus dumengias da cursas dals 12 e 19 da favrer èn durant ils Campiunadis mundials da skis.

Perquai recumondan els da duvrar il traffic public per vegnir tar las cursas sin il lai. I na vegnia betg a dar ni parcadis en la vischnanca u sin il lai, ni en la chasa da parcar Serletta.

RR novitads 12:00