Siglir tar il cuntegn

Header

video
In nov maletg sin il Lai da Silvaplauna – il Wingsurfen
Or da Telesguard dals 19.08.2020.
laschar ir
cuntegn

Wingsurfing Nov sport da moda tar surfistAs

Il svilup dal sport da surfar è sa sviluppà ferm durant ils ultims onns. Uschia vegn il surfar cun «foil» adina pli enconuschent e pli modern.

La gronda differenza tar il tradiziunal windsurfing sa chatta tar l’aissa. Quella è numnadamain pli pitschna e suten sa chatta in’ala – il «foil». Tras questa ala n’è l’aissa betg directamain sin l’aua, mabain ella sgola sur l’aua. In dals pioniers da quest sport è il Svizzer Balz Müller.

Empè d’aissas da 20 kilos surfain nus ozendi cun aissas da carbon ultralevas. Tras l’ala vid l’aissa, il «foil», èsi sco in eroplan che sgola sur la surfatscha da l’aua.
Autur: Balz Müllerpionier dal Foilsurfing

Il 2024 fa quest sport part dals gieus olimpics, lura èn quels a Paris.

Da windsurfing sur foilsurfing fin a wing-foil-surfing

A l’occurrenza EngadinWind che ha lieu quests dis sin in lai da Silvaplauna van ins anc in pass vinavant. Là hai numnadamain dà l’emprima cursa da wing-foil-surfing. Tar quest sport n’è betg mo l’aissa autra che tar il tradiziunal windsurfing, mabain er la vela. Numnadamain n’è quella betg colliada cun l’aissa. Tenor Balz Müller n'è quest nov sport però betg anc uschè enconuschent, e sto insumma anc vegnir sviluppà a fin.

L'occurrenza EngadinWind nua ch'i dat occurrenzas dals differents sports, dura anc fin ils 26 d'avust.

RTR Telesguard 17:40

Artitgels legids il pli savens

Scrollar a sanestra Scrollar a dretga