L’organisaziun turistica da l‘Engiadin’Ota è amez la coordinaziun da chombras per ils giasts che prevesan da visitar las mastranzas mundialas. Ins fa quint cun radund 140’000 aspectaturas e aspectaturs, ina sfida enorma.
Ed era davart dal comité d’organisaziun da las mastranzas mundialas na tuna betg auter, era tar els sclingia il telefon permanent. Els en responsabels che tut ils sportists, ils commembers da la FIS, las medias ed era ils sponsurs chattian lur lieu da durmir e lavurar.
Ins ha anc plazza
Tut las 2 organisaziuns surmenziunadas conferman che l’Engiadin’Ota n’è anc betg emplenida. Divers hotels ed era abitaziuns da vacanzas han anc lieu. Ma il radius s’engrondescha di per di uschè che’l viadi per rivar a San Murezzan a las mastranzas vegn anc pli lung.
